Pages

وداع درويش



درويش
فارقت خلاص ؟
و ماعدش كلام الشعر حايلمس
طرف قلوبنا بالإحساس
معقول حاأناديك وألاقيك ماتجيش
معقول من غير دواوين حانعيش
من غير كلمات و صور و خيال
معقول من غيرك ممكن ناكل
تين و ياميش
معقول حايكون في الدنيا جمال
أحلام و آمال
من غير درويش ؟
معقول حايكون في الدنيا عيال

عقولها سليمة مابتصديش

من غير درويش ؟

ماباقاش عندنا كلمات تنقال

مربوط على طرف لسانّا حديد

مشدود بحبال

و كتافنا تشيل على طول أحمال

بتهد جبال

تعبنا خلاص و مابنخبيش

وصحينا لقينا عمرك فات

إنما أعمارنا مابتعديش

و دموع في عنينا

بقالها زمان قوي مابتجريش

و بحبر ثقيل قوي م الأوجاع

كتبت على كل قلوبنا وداع

محمود درويش

2 comments:

Anonymous said...

بصراحة يا كينج حاسس انها مش طالعة من قلبك.. انت بتكتب احلى من كدة بكتييييييييييييييييييير ، لدرجه انى ساعات بحس انك بتفكرنى باحمد فؤاد نجم بس المرة دي مش حاسس الكلام
عموما ولا يهمك تسلم ايديك وكفايه انك متحرمناش من كتابتك
تحياتي

KING TOOOT said...

anonymous
أشكرك على تعليقك و كمان على تشبيهك ليا بالعملاق الرائع أحمد فؤاد نجم إللي مش حانيجي ربعه مهما عملنا
تحياتي و إحترامي
KING TOOOT