Pages

حبك إنتي


إغزلي نظرة عيونك

أحضنيني بين جفونك

لوّني الأحلام بلونك

خللي لون الدنيا يفرح


ضمي بين كفك إيديا

إلمسي أحاسيسي فيّا

إمسحي دمعة عينيّـا

ماتسيبيش للحزن مطرح


لما بأتأمل ملامحك

لما ترسم عيني فرحك

لما أشوف وردك و طرحك

عقلي فيكي يتوه و يسرح


أد إيه حبك ماليني

مالي أيامي و سنيني

لو مشاعري تبان في عيني

ليه أبوح يوم أو اصرّّح

5 comments:

ياسمين حميد said...

حلوة، تنفع أغنية

Anonymous said...

بجد بجد مش عارفة أعلق وأقول أيه بسبب الكلام الجميل اللى أنت كاتبة ده
أقترح عليك بصراحة أنك تنشر اشعارك دى وده مش هزار ده جد

تحياتى لك

KING TOOOT said...

ياسمين حميد
تشكري يا زووووووووووق
_______________
bos bos
بجد بجد مش عارف أرد على تعليقك المشجع قوي ده و اقول إيه
ياريت تكون أشعاري تستاهل النشر بجد
تحياتي
_______________
KING TOOOT

صحفية روشة said...

get bublish
get bublish
اديتى ةخلصت اللى فى ذمتى
لازم كتاب يحتوى خيوط الدهب دى
متسبهاش لكل واحد بيعمل كوبى وباست
او حتى يكتب تحتها على استحياء
منقول
اتمنى انك تشرفنى فى بلوجى
http://namema2.blogspot.com/
سلام

KING TOOOT said...

sa7afia_rwsha
يا فندم أخجلتم تواضعنا
يا ريت تكون كلماتي تستحق النشر فعلا زي ما بتقولي
تحياتي
KING TOOOT