Pages

أنا المصري ،، و المصري أنا

انا المصري و المصري أنا
لا بينسى أصله
و لا ينسى أهله
مهما أغتنا
أنا إللي كنت في يوم حياة
فرعون
و كان اسمي الإله
أنا اللي كنت في يوم هرم
أنا اللي علّمت الحياة مَسك القلم
أنا اللي أنشأت الحضارة من العدم
أنا اللي كنت من البداية
عِلم و عَلَم
أنا إبن مينا و حور و حابي
أنا أبني مقتول فوق ترابي
ما أسيبش أهلي
ما أسيبش بلدي
ما أقفلش بابي
و عمري لا في شيبتي و شبابي
ما بأكون جبان
ولا عمري حاابقى غفير نظام للأمريكان
كداااااب كبير
بس باتحمل كتير
عايش أجير
و حاأموت فقير
بس بأضحك عالأمير قبل الغفير
و لا حد فيهم يجري منّي
ولا حد منهم يُسهى عنّي
موجود في يومهم و ف منامهم
كأني جنّي
لكني جوايا الطيابه
ما انا اصلي م الناس الغلابه
مليان ضمير
مفطوم على الجوع و القليل
ما باأخفش حد
ولا حد يقدر يوم بجد
يهين مزاجي
ولا حد يوم بيقول لي روح
ولا حد يقدر يجبرني آجي
أنا بلدي مصر
و قصري ليل و نيل و توت
و عقلي شبكة عنكبوت
عيّان ب بقّي
و لو لساني في الكلام
يوم إبتدى
يا داهية دقي

5 comments:

Anonymous said...

فعلا جمعت كل صفات المصري ابن البلد في شعرك .. حقيقي انت انسان موهوب.. تحياتي

Anonymous said...

I do raise the hand for that, wtg!

عمرو غريب said...

انت بجد عندك موهبة جميلة جدا و الكلام اكثر من رائع و الصفات الي انت وصفت بها المصري ابن البلد احسن و احسن

بالتوفيق انشاء الله

KING TOOOT said...

المجهول
أشكرك على تشجيعك و تحياتي
_______________
Epitaph
Thanks
_______________
عمرو غريب
أشكرك يا زميلي العزيز و سعيد جدا انك متابع المدونة بتاعتي
_______________
KING TOOOT

Ahmed Al-Sabbagh said...

نظرا لتميز مدونتك تمت أضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نُذّكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ