Pages

يا حبيبتي ماتخافيش

يا حبيبتي ماتخافيش

عيني مش بتشوف سواكي

جوه قلبي ماتلاقيش

غيرك إنتي يا ملاكي

غِيـري

أوعي ماتغيريش

ثوري

أوعي ماتثوريش

كوني حب بيبتدي و ما بينتهيش

كوني للأحلام سما

جناحات و ريش

شقشقي فجر النهار

من عيونك

خللـّي نور الدنيا يشرق

بين جفونك

يبقى قلبي في صدري شايفك

و النغم من بين شفايفك

يحكي عن حبك ،، يقول

يبقى واصل للمشاعر كلها

من غير رسول

يبقى قصر من الحروف

أحلى من كل القصور

و إنتي ملكة

فوق عروش الكل عرشك

قلبي أرضك

روحي فرشك

تبقى عيني البوابات

و جفوني صور

3 comments:

shady said...

امشى يا حسود
قال يشوف حد تانى
هو احنا بتوع تانى ولا تالت
هههههههههههههههه

تــسنيـم said...

الله


:)

KING TOOOT said...

شادي باشا
لا و الله إحنا بتوع أول بس
ههههههههههههههه تسلم يا زعيم
____________
تسنيم
أجمل تعليق بجد
تحياتي
____________
KING TOOOT