Pages

همّا همّا المجرمين

في الشوارع مقتولين

تحت أشجار الزتون

ستميت أيلول حزين

و الدموع ملو الجفون

في الشوارع مفرودين

ع الجتت جرانين بريئة

تخفي موت العطشانين

للحقوق قبل الحقيقة

في الشوارع دم سال

م النسا و من العيال

و الدماء تكتب تاريخ

للنبي يحي الجريح

قتله كان عربون خيانه

بعده كان صَلب المسيح

هما هما المجرمين

الصهاينة الملعونين

فكرهم شر و خيانة

قلبهم مالهش دين

6 comments:

shady said...

ولسه الحكاية ما خلصتش
ولا ايه؟

كراكيب نـهـى مـحمود said...

ستميت ايلول جريح
هدموا البيوت ويا الضريح
معدتش فاضل شئ صحيح

Bassma said...

يال الوجع اليومي الابدي

semsem said...

ولسه تانى طول ما هم عايشين

Dalia Ziada said...

ياااااااه أيه الألم ده كله

بجد روعة و تسلم أيديك

صحيح دي أول زيارة ليه هنا لكن مش هتكون أخر زيارة لأن مدونتك رائعة و تستاهل

KING TOOOT said...

شادي
لسه ماخلصتش و لسه مش حاتخلص
منور يا زعيم
________________
نهى
دا إنتي بتكتبي شعر أهه . فعلا ماعدش فاضل شيء صحيح
ألف مبروك على الرواية
________________
بسمة
هو الوجع يومي بس بأتمنى مايكونش أبدي
________________
سم سم
طيب و إحنا ليه سايبنهم عايشين ؟؟؟
________________
داليا زيادة
أولا بأرحب بيكي في أول زيارة و بأتمنى أنها ماتكونش الأخيرة
و ثانيا ألف شكر على تشجيعك و تحياتي لكي و لمدونتك الجميلة
________________
KING TOOOT