Pages

رباعيات زوجية

الحب بين القلوب رباط متين خالص
يجمع مابين أتنين حبين بعضهم خالص
بس الجواز يجمعهم و وسعادته تربطهم
و كأن عمرهم ما كانوا مربوطين خالص
و عـجـبـي
* * * * * *
قبل الجواز الحب بيكون كلام في كلام
وساعات بيبقى حقيقة وساعات كتير أوهام
لكن بعد الجواز الحب بيكون واقع
مابين أتنين في بيت واحد ، زوج و مدام
و عجبي
* * * * * *
لو قلت أحب حايكون الغرام غيّة
و إن قلت أعشق حا أتعلم الملاغية
و إن قلت النصيب الحلو مقسوم و مترتب
إيه أغلى منك يا عمري في الدنيا دي هدية
و عجبي
* * * * * *

3 comments:

shady said...

ايه ده يا عم ده انت شيخ طريقة فى الغرام هههههههههههه ربنا يهنيكم

شــغــف said...

فى المعتاد ولسبب مجهول يسخر الرجال من اللى بيتكلموا بالحسنا عن الجواز كانه عيب او حرام ان الجواز يكون حلو ..

اهنيك يا رفيق على القناعه قبل الكلمة

Anonymous said...

كنج توووت! أنا داخله من صفحة غاده.. بجد عجبتنى تعليقاتك الشعرية العامية ف صفحتها.. وكمان عجبتنى الرباعيات الزوجية دى.. وهاقرالك أكتر لما أفضى.. وياريت أنت كمان تدخل صفحتى وتقولى رأيك فيها.. أنفع يعنى ولا لأ يامعلم؟