Pages

يبقى إيه معنى الوجود ؟

آخر حدود الكون عيونك
و العيون مالهاش حدود
لون جبين الشمس لونك
و الخد مفروش بالورود
و النغم مخلوق لصوتك
ناي و كمانجات و عود
لو لصوتي جمال سكوتك
كنت غنيت بالسكوت
لو حاأكون فكرة في شرودك
يبقى أهلاً بالشرود
لو حأاكون كلمة في فروضك
يبقى زيدي من الفروض
لو دقيقة بدون وجودك
يا حبيبتي
يبقى إيه معنى الوجود ؟

7 comments:

كراكيب نـهـى مـحمود said...

قد ايه جميله
ومعبرة

shady said...

قسم يا سيدى قسم
اوركسترا والله ياكينج
كل سنه وانت طيب وشاعر ورومانسى

كلبوزة لكن سمباتيك said...

يا سلام على الجمال
بس مش شايف انك بتبالغ شوية
انا مستهلش كل الكلام الحلو ده
ههههههههه
كل سنة و انت طيب
--
اسأل من اعاد العيد
وطوى الشهر الفقيد
يمدك بعمر مديد
و يجعل حياتك كلها
عيد سعيــد

KING TOOOT said...

كراكيب
جميلة لأنها طالعة من القلب بجد
______________
شادي
و أنت بألف صحة و سلامة يا زعيم يا كبير قوي
______________
سمباتيك
و الله أنا آسف يا سمباتيك بس الكلام ده مش ليكي خالص ،، و أعتقد كل الناس عارفة أنا بأكتب الكلام ده لمين ،، ربنا يخليها و يبارك في عمرها يا رب و يحفظها من كل شر ، وهي طبعاً روز ،، زوجتي و حبيبتي و صاحبتي و كل حاجة ليّا في الدنيا
وكل عام و أنتي بخير بمناسبة العيد
______________
KING TOOOT

مُصْعَب إِبْرَاهِيم said...

لو هأقول لك حلوة
مش هأوفي أو هأجود
لو كل يوم تكتب حاجة
يوماتي تلاقيني موجود

---
معلش يا حبيبي أنا مش بأعرف أكتب زيك، بس بجد أنت بتستحثني من جوا أقول لك أي حاجة على نفس الوزن.. لأن كلامك بيلمسني من جوا أوي

S.Hamid said...

كلمات جميلة جدا ... عيدكم مبارك

KING TOOOT said...

مصعب
مش عارف أرد على تعليقك بإيه ،، بس بجد أنا متشكر على مرورك و تعليقك
يا رافع معنوياتي
______________
S Hamid
شكراً جزيلاً
عيد سعيد
______________
KING TOOOT