Pages

ملعون سكوتنا

ملعون كلام الخونة
و لسان الجبان
ملعون فعل الخيانة
و ملعون إللي خان
ملعونة سيرة ظلم طوافة ف بلدنا
ملعونة مخاوفنا و طيبتنا
ملعون رضانا بنهبكم قوتنا و بيوتنا
ملعون سكوتنا
ملعون رجانا للسلامة و الأمان
ملعون و ميت ملعون كمان
ضعفنا قدّام فسادكم
أو خوفنا من صوتكم و صيتكم
و كأنكم حاكمين مصيرنا
و كأن أرزاقنا في أيدكم
فوقوا خلاص
طوق النجاة
شابك معاه
طوق الخلاص
ظلمكم غيّر ما فينا م الأساس
مابقيتش سيرة أسمكم بتهزنا
مابقتش نبحة كلبكم بتهتــّنا
مابقاش ليكم مكان مابيننا
ماباقاش ليكم مكان هنا
ماباقاش ليكم مكان هنا

4 comments:

IBN BAHYA - إبــن بهيـــــــــــــة said...

أحييك

shady said...

ايه يلا سنيورة اطلع براااااا
وعقبال حسنى وكل الحراميه

Mody Rap said...

الظاهر هيبقي فيه شغل بينا

اصل انا

مغني راب هاوي

الي الامام يا زميل

KING TOOOT said...

إبن بهية
تسلم على التحية
__________________
شادي
عم قول يا رب
__________________
مودي راب
يسعدني العمل معك كما أسعدني مرورك على مدونتي المتواضعة
__________________
KING TOOOT