Pages

جرب مرة تحب بجد



جرب مره تحب بجد
جرب تفني حياتك يوم في حياة حد
جرب يبقى في قلبك بحر
و هو الشط
جرب تبقى دموعك جزر
و هو المد
جرب تلمس أحساس بكره
يد بيد
يومها حاتنسى كل العالم
مش حاتشوف غير حبك حد
يومها حاتلقى على أسألتك
أو على حيرتك
مليون رد
يومها حاتعرف للأحزان
مليون مانع
مليون سد
كل ده ممكن . . بس تحاول
مره حقيقي تحب بجد

6 comments:

مـحـمـد مـفـيـد said...

الله علي الفكره والله علي الاحساس

Anonymous said...

كلمات رائعة واسلوب كتابة رائع ولكني اعترض اني احب بجد وبجد جدا جدا ومش بحب بس في اتجاه واحد بحب كل الناس بحب المسلمين والمسيحين بس كل مصري بحب اهلي واصحابي بس عمري ما نسيت ولا هنسا اي حاجة وافتكر حبي وبرفض اي حب بالشكل ده

مُصْعَب إِبْرَاهِيم said...

جربت يا أخويا مرة بجد
في آخر الحارة مليون سد
عديت السد وكمان سد
بعد ده كله ألاقي الرد
ما هينفعش نكمل بعد!

(ما بأعرفش أكتب شعر فسامحني.. بس كتابتك عاجباني أوي)

Dananeer said...

حلوه يا توت

KING TOOOT said...

محمد مفيد
أسعدني رأيك كثيراً ألف شكر
__________
كبير المتشردين
جميل أنك تحب كل الناس و كل الحاجات و إللي أنا قصدته أنك لما تحب بجد حاتحب كل حاجة في الدنيا لأنك حاتشوف حبك الحقيقي ده متجسد في كل شيء حواليك
__________
مصعب
جرب تاني يا سيدي ،، الحياة مش تجربة واحدة ،، بس المرة دي لما تجرب إختار صح ،، أهم حاجة الإختيار السليم
___________
دنانير
ألف شكر يا دنانير
___________________
KING TOOOT

shady said...

والله يا خويا الواحد نفسه يجرب بس فين النفس ههههههههههه