Pages

رسائل قصيرة

طيب لو تغيب الشمس
مين حا يملى الدنيا ضي
غيرك أنتي
لو يبطل قلبي همس
مين حايعرف أنه حي
غيرك أنتي
لو حا يغدر بي الزمان
لو قـفـّلت كل الببان
مش حا ألاقي دفا و أمان
غير حضنك أنتي
______________
تعرفي أيه احلى حاجة في النهار ؟
أن فيه للنور بتفتح عيونك
يصحى كل الكون معاهم بأنبهار
أصل شمس النور بتشرق بين جفونك
______________
صورتي جوه عنيكي تحلم كل يوم
أن رموشك و جفونك بيحضنوها
و ان طلع النهار ما بينهم على طول تقوم
اصلها بتخاف من الناس ل يشوفوها
________________
حضنك حنان
حضنك أمان
حضنك دوا كل أللى كان
قلبك بيوفي بالعهود
و بينده الأحلام تعود
أفرح و تفرح روحي بيه
تهمس تقول له أتأخرت ليه ؟
حضنك و حشني من زمان
حضنك حنان
حضنك أمان
حضنك دوا كل أللى كان
________________
تهون روحي و تعزيبي
ولا تغيبي
يهون دمي فدا حبيبي
ولا تغيبي
يهون ليلي و مشواري
تهون حرقة سما نهاري
يهون صوتي و أشعاري
ولا تغيبي
تغيب الفرحة عن عيني
ولا تغيبي
تغيب البسمة في سنيني
ولا تغيبي
يغيب عني نهار بكره
و تبقى حياتي شئ ذكرى
تغيب أحلامي و الفكرة
ولا تغيبي
______________
أنتي عارفة قد ايه جوايا حب
اصل قلب حبيبتي أنا مش أي قلب
قلبها مليان حنان
مليان امان
حبها بيصحي فيا أحلام زمان
صوتها دايما ً كان حقيقة
أحاسيسها شفافة و بريئة
مشاعرها دايما ً كلها
صادقة و رقيقة
__________________
أنتي أغلى من كل الحبايب
انتي دمعة فرح من قلبي أللى دايب
أنتي أقرب ليا من كل القرايب
أنتي عندي بميت صديق
أنتي نور وسط الطريق
أنتي عندي الحلم
و الصوت البرئ
_______________
و بخاف
على قلبك لما قلبي بيحضنه
ل الحضن يطول علية أو يسجنه
يقوم يوجع
يأثر فيه
و بخاف
على دمعة من عنيا تنجرف
و تقول كل الحكاوي و تعترف
بسر فضلت
كتير بأداريه
_______________
_______________

5 comments:

Unknown said...

حلوة
بس مش عارف حكاية الخدود معاك

زى ما قلت حلوة بس يعنى مش مكثفة
ربنا يوفقك
انا زرت المدونة دي قبل كدة
رجاءً
زورنى
شوف
شعر العامبة بتاعى وقوللى رأيك

voice of love said...

لأ بقى
حرام عليك كده
ده أنا بحسدها كل يوم على الكلام الرائع الرقيق الجميل اللى بتقوله لها
بس والنبى عاوزة اسألك سؤال : هوه أى حتة فى دماغ البنى آدم اللى بتطلع الكلام الحلو وده؟؟
ولا ده بيكون موجود فى قلب الكنج وبس ؟؟

KING TOOOT said...

أبو أمل
مدونتك جميلة و كلماتك أجمل ،، أشكرك على المتابعة و التشجيع
_________________________

فويس أوف لوف
صباح الفل يا دكتورة بلاش حسد بقى
ههههههههههههههههههه

Anonymous said...

gameela...fiha sed2~~~

:) awl mara agy ..lakn insha Allah..mosh a7'er mara))

weleena leka2 a7'r insha Allah))

... said...

حلوة أكيد

ليه مش بتعرضها للغناء

حاول