Pages

حضنت في عنيكي السما




حضنت في عنيكي السما

برموش عيوني

و فردت أحساسي و شجوني

غيرت نفسي

غيرت لوني

عدلت مفاتيح كل كوني

بعد ما جنونِك بقى

موافق جنوني

سرحت فيكي

و في الأمل

و في الحياة

وصل شعوري لمنتهاه

ولقتني بأتبسّم و بأفرح

لما نظرة فرحة منك

طمنت بالي و ظنوني


7 comments:

Gid-Do - جدو said...

كينج توت
معلش انا حقول كلمتين بعيد عن الموضوع لكن مش بعيد عنك ده بخصوص ,علىّ صوتك العدد الجديد اللى فية صوركم حلو بس الجرعات اللى بتكتبها طبعا انت مؤمن بيها والا مكنتش كتبتها لكن الدول اللى بتتبع هذا الخط كلها شعوبها شحاتة وحتى الصين بتخلع تدريجيا وهنا عندى اصدقاء صينيين اكدوا ان الناس هناك دلوقتى فى مجتمع مفتوح كيف تدعوا الى تجربة ثبت فشلها بعد محاولة تطبقها بعدة طرق فى دول كتيرة ـ لو حزفت التعليق مش حزعل لانى عارف ان هنا مش مكانه ـ لك تحياتى

Anonymous said...

جميل قوي انك تتابع نبة حب لسه بتنبت
يا رب ترويها للأخر
هتكبر وهتضلل عليك
ربنا يوفقكم ويا بختها

KING TOOOT said...

آسف على حزف التعليق الخاص جدا ً و ذلك لأسباب شخصية جميلة
KING TOOOT

KING TOOOT said...

شكرا ً يا جدو و أحترم رأيك و إن كنت أقصد في المقال شىء آخر
_____________________
انونيموس
يسمع منك ربنا و يحفظ النبته دي من الشيطان
________________
KING TOOOT

shady said...

ايه الجمال ده
اغيب يومين عن العالم التخيلى ارجع الاقيك قايل كل الكلام الحلو ده
أنا ملاحظ ان الأنتاج زاد
هو فى ايه؟
ههههههه

voice of love said...

الله يا كنج
دايما بتفاجئنا برقة كلماتك وذهنك الحاضر الذى تنبعث منه روائح الاحساس العالى الذى نفتقده هذه الأيام
كم كنت أتمنى أن تكون ملكة الشعر عندى بمثل هذه البساطة والقوة فى الوقت ذاته
وما أقوله ليس مجاملة لك بل فقط احقاقا للحق

KING TOOOT said...

شادى
مش عايز أقول أنك فاقسنى علشان أنفلونزا الطيور و الحاجات دي
ههههههههههههههههههه
بس تفكيرك في محله
___________________________
فويس أوف لاف

ألف شكر و مش عارف أقول حاجة عن الكلام الجميل ده غير أنك تشجيعك دافع دائم لي للكتابه
___________________________
KING TOOOT