Pages

علـّـى صوتك , كلاكيت تانى مره


زعـّـق ,, و أنسى الهمس الخايف

فم و صوت و لسان و شفايف

قول ,, علشان حلمك ما يموتشى

و أوعى فى يوم تعمل مش شايف

أجرى و هات قلمك و ورقـتـك

أكتب و أرسم .. نور ببرائتك

لو حاتخاف .. من صمتك خاف

و أوعى فى يوم ل يكون مشنقتك

صوتك هو الحلم الباقى

شمس و نور و غيطان و سواقى

صوتك يفرح . يطرح بُـكره

خير مع أنه كان مش لاقى

أطلب حقك و أوعى تكش

م الغشاش أبو ألفين وش

علـّى ف صوتك أكتر و أكتر

لا يهمك غشاش و لا غش


3 comments:

shady said...

صوتك هو الحلم الباقى

شمس و نور و غيطان و سواقى

جميل قوى كالعادة

ruby said...

الف مبروك يا كينج

Gid-Do - جدو said...

كنج توت

ارسلت تطلب راىّ فى مجلة على صوتك ــ حقيقى عمل متميز وشغل ناس بروفيشنل فى مجال الاعلام الاليكترونى دة عن المجلة _ اما عن مواضيع المجلة ونظرا لاننى لااعرف انت مين من الشتركين فى اسرة التحرير وبالتالى لااعرف ماهو الاتجاه السياسى الذى تؤمن به احب اقول انا رجل لااؤمن بالفكر الشيوعى واتعجب اشد العجب ممن يحمل صورة جمال عبد الناصر ومكتوب تحتها رمز العزة كيف يكون المسؤل عن هزيمة مصر فى 1967 وضياع سيناء وغزة والقدس الشرقية وحكم مصر بالحديد والنار رمزا للعزة اية عزة هذة؟