Pages

بنت و ولد


بنت و ولد شايليين كتب
ماسكين أيدين بعض بخجل
هى بتحلم تتخطب
هو بيحلم يشتغل
يتخرجوا الأثنين سوا
يرموا كتبهم فى الهوا
يبدأوا يبنوا حياتهم
يلقوا أحلامهم فاتتهم
مع أنهم ما أتأخروش
بس أيه كان السبب
مايعرفوش
مالاقوش وظايف
مالاقوش سكن
مالاقوش مصانع
مالاقوش مكن
مالاقوش مصالح
مالاقوش بيوت
مالاقوش فى بيتهم
غير خيوط العنكبوت
مالاقوش فى صوتهم
غير كلام
مالوهش صوت

13 comments:

shady said...

خليه يزويد فيهم ويزود هم دول حطب الثوره ونارها اللى حتاكله فى يوم معلوم

Ahmed Shokeir said...

عشان كده دايما بيقولوا أحلى أيام هيا أيام الجامعة

مافهمتش الكلام اللي بعد ماخلصت الجامعة

حدوته مصرية said...

دى واحدة من مشكلات مصر اللى عايشينها

ونفسى اعرف ازاى عايشين كده

ربنا ساترها

ROMANTIC ROSE said...

الحمد لله الذي لا يحمد علي مكروه سواه ..

حلوه قوي يا كينج .. رقيقه و "سهلة الهضم" ان جاز التعبير .. زي بقية كتاباتك ..

عشقك ندي said...

حلوة يا كنج قويييييييي

ruby said...

اية يا عم داة كلة
بس على راى داليا كنت جوزهم وخلاص
اشمعنا هما مش حيتنكدوا اصل داليا فاكرة انهم لو اتجوزوا حيبقوا مبسوطين

KING TOOOT said...

شادى
أحم أحم ,,, ربنا يجعل كلامنا خفيف عليه
دستووووووووووووووور
هههههههههههههههههه
__________________________
داليا فؤاد
يعنى أخالف ضميرى
هههههههههههههه
هاتيلى أتنين أتخرجوا اليومين دول و عرفوا يتجوزوا
___________________________
أحمد شقير
و مين سمعك يا أبو جميد , الواحد كان مستعجل على أنه يتخرج مش عارف ليه
___________________________
م . ياسر
مظبوط ’’ ربنا ساترها معانا زى ما ساترها معانا فى كل حاجة
الحمد لله
___________________________
رومانتيك روز
منورة البلوج
ههههههههههههههههه حلو موضوع سهلة الهضم دى , و شكرا ً على التشجيع الدائم
ربنا يخليكى للغلابه
___________________________
عشقك ندى
تشكر يا محمد باشا قوىىىىىىىىىىىىىىىي
___________________________
روبى الدالى
ما هما لو أتجوزوا كانت المشكلة حاتبقى أكبر
هههههههههههههه
___________________________
KING TOOOT

ملك said...

رائعة بجد
انا بتأثر جدأ بشعرك

Anonymous said...

ادهشنى النغم المتوازن فى القصيدة وسلاسة التعبير ... جميل يا كنج

KING TOOOT said...

ملك
الله يخليك ، و ترفع من معنوياتى دايما ً يا ملك
_______________________
عم محمد
أكتر حاجة ممكن تفرحنى أن حد يقول كلام كويس على أللى أنا بأكتبه و أبقى متأكد أنه مش بيجامل
الموضوع ده بيدينى ثقة بأكون محتاجها
ألف شكر يا عم محمد
_______________________
KING TOOOT

Tamer Nabil Moussa said...

KING TOOOT


كلام جميل

ربنا يوفقك

الى الامام

7asoon said...

الله الله يا أستاذي.. القصيدة عميقة :)


شكراً

Anonymous said...

تصدق يا كنج احلى ما فى الحب احتياجه واشتياقنا لى عارف ساعات بره باحس انها اوحش حاجة فى الحب اننا محتاجينه انا بحس بكدة لما اكون عايزاة ومش لاقياه بس عادى احنا اخدنا ع كدة هو اية احنا لاقينه دلوقتى