Pages

عـلّـى صـوتـك

علّى صوتك

أفرد الأحلام ,, وطير,, فوق جمودك

قوم , و ثور , و أقتل سكوتك

حول الأمل نيران

تحرق برودك

أفرد قلوعك للزمان

أخرج بره حدود المكان

أفرح بأحساس الأمان

فوق من شرودك

أقتنص حريتك

أزرع ورودك

أسقى بلدك كل عمرك

من حياتك

أو حتى لو كان بعد موتك



15 comments:

shady said...

ولع سيجاره وعيش فى الغيبوبه
لما يجى الى يشيلك وانشا الله يحط قله مكانك

KING TOOOT said...

شادى
طيب و تفتكر أن الصح أننا نسيب الناس تتشال و يتحط مكانهم قلل؟
KING TOOOT

shady said...

انا قصدى على النسر بذاته
انت ما شفتش انا عملت فيه ايه هههههههههه

حائر في دنيا الله said...

كل عين تعشق حليوة
وإنتي حلوه ف كل عين
يا حبيبتي
قلبي عاشق
واسمحي لي
بكلمتين
كلمتين يا مصر يمكن
هما آخر كلمتين
حد ضامن
يمشي آمن
أو مآمن يمشي فين ؟

مع اني مبعرفش احفظ بس دول اكتر حاجة حافظهم من شعر أحمد فؤاد نجم
يبني مصر دي في قلوبنا سيبك انت من اللي يقول مصر عملتنا ايه
كفايه نيلها وشمسها وسمارها
كفايه انها بتحبنا رغم كل الغيلان اللي بيكرهوها

Anonymous said...

KING TOOOT


تسم ومشكورررررر على الكلمات الجميلة


وفقنا الله لما فية الخير

مع خالص تحياتى

KING TOOOT said...

شادى
معلش يا أبنى العتب على النظر ,, أصلى اليومين دول الشغل مخلينى مش شايف قدامى
_______________
حائر
مافيش بعد كلام عمنا أحمد فؤاد نجم كلام
_________
تامر
ألف شكر على التشجيع الدائم
_________________
KING TOOOT

islam yusuf said...

كلام صح بس اللى بيسمعوا قليلين

KING TOOOT said...

إسلام يوسف
المهم أن فيه حد بيسمع و ده معناه أن فيه أمل
__________________
شمهورش
ميت فل يا بلدينا ,, و أنت بالصحة و السلامة
__________________
KING TOOOT

shortcut said...

gamil bas fih gomla malhash 3alaka belwake3أفرح بأحساس الأمان
ana baheb afrah hata bel hagat el so3`yara el mowgouda odami w shayfaha aw hata hasaha
but i dont think there s safeeee
i u find it plz tell me where to live in it

KING TOOOT said...

شورت كت
أحساس الأمان موجود حواليكى كتير
فى عيون والدك و والدتك
فى شهامة جيرانك وولاد حتتك
فى مساعدة طفل صغير يلاقيكى مش عارفة العنوان
فى واحدة صاحبتك تيجى جرى تشوفك أول ما تعرف أنك تعبانة لا قدر الله
أحساس الأمان موجود فى دول و فى آلاف الحاجات التانية و الأحاسيس المتبادلة بين الناس البسيطة و بعضيها
أحساس الآمان موجود فى دفء العلاقات أللى بتعيشيها كل يوم ,, بس يمكن مابناخدش بالنا منه علشان الخوف بيحاول يهزم الأمان جوانا ,, و علشان كده أنا رأى أننا ما نسمحش للخوف أنه يهزمنا ,, فلازم ناخد بالنا من الأحاسيس الصغيرة دى و نفرح بيها علشان نشجعها أنها تعيش
شكرا ٌ ليكى على الأهتمام و التشجيع و أتمنى أشوفك دايما ً ضيفة عزيزة عندى فى مدونتى المتواضعة
KING TOOOT

shortcut said...

i told before u doesnt live in reality
all the things u said rahet
امتي اخر مرة شوفت مدرسة ابتدائية طالعة او اعداديةظ
شوفت منظر الاولاد اللي ماكانوش اسه زوغوا قلة ادب و صياعة
مجربتش تحس ان دراستك ديه لو اشتغلت بيها مش حتحقق امان
و اعز الناس عندك في المستشفي الخاص قبل الحكومي في احيان كتير بعد العملية تتطلع و انت عيان اكتر مع انك عندك امان في الدكتور اللي معندوش اي حاجة غير فلوس و مشرط
و انت حاسس بالامان تقدر تسيب اختك تنزل تتمشي علي الكورنيش لوحدها لو مضايقة لو صبح او ليل مش حتحس بامان
plz be real
w 3ala el hagat elli tefarahi ana piltaha 3andi fi el blog fi
اشياء لا ثمن لها

KING TOOOT said...

شورت كت
الحقيقة أنا ماذلت مختلف معاكى ,, و لهجة اليأس أللى فى كلامك ما قدرتش تحرك جوايا مكامن الغضب على الأوضاع الموجودة و تغيير الناس و تخللينى أنحنى أمام هذة العاصفة المحمله بكل معانى اليأس و فقدان الأمل
معلش يمكن أنا بارد شوية أو مش فاهم قصدك كويس ,, بس أللى فاهمة من كلامك أنك بتتكلمى عن الأمان بمعناه الفردى ,, يعنى أن ماحدش يضرب حد أو يسرق حد ,, و ده طبعا ً شىء مهم لكن النوع ده من الأمان مسؤلية البوليس ,, الأمان أللى أنا بأتكلم عنه هو دفء العلاقات الأنسانية بين الناس
و ده أللى أنا خايف أنه يغيب أو يموت لأنه فعلا ً بيحتضر فى مجتمعنا مع الأسف ولازم ننقذ حياته لأن حياته معناها حياتنا كلنا
على فكرة أنا عندى أخت ,, و صحيح هى مش بتتمشى على الكورنيش لوحدها أنما بتروح كل يوم من البيت لجامعة الأزهر فى مدينه نصر ,, ( و للعلم ده بالنسبة لها آخر الدنيا ) لوحدها يعنى من غير مايكون معاها حارس ,,, عارفة ليه
لأن الناس فى الشارع حارساها و زملائها فى الكلية حارسينها و أهل شارعها حارسينها و قبل دول كلهم طبعا ً ربنا حارسها
لو عشتى فى بلاد تانية و شفتى قد أيه مخاطر ممكن يتعرض لها الأنسان هناك كنتى تأكدتى أن لسه الاحساس عندنا فيه الروح و ما ماتش انما ممكن يموت لو ما انتبهناش
KING TOOOT

ROMANTIC ROSE said...

""لأن الناس فى الشارع حارساها و زملائها فى الكلية حارسينها و أهل شارعها حارسينها و قبل دول كلهم طبعا ً ربنا حارسها
لو عشتى فى بلاد تانية و شفتى قد أيه مخاطر ممكن يتعرض لها الأنسان هناك كنتى تأكدتى أن لسه الاحساس عندنا فيه الروح و ما ماتش انما ممكن يموت لو ما انتبهناش "" .. يا سبحان الله .. مش الاخ برضه هيقفذ بكراته من الصندوق و يفر من الامان الي بلاد تانيه ؟؟

KING TOOOT said...

رومانتيك روز
ايوة طبعا ً هو هو نفس الشخص أللى حايهاجر بس الهجرة مش بسبب الأمان ,, اسباب الهجرة حاجة تانية خالص
و مش معنى أنى حا أهاجر أنى أنكر الحاجات الجميلة أللى هنا
و بعدين جاوبينى يا روز أيه أهم الأمان ولا الحرية ؟
أنا صحيح مهاجر علشان الحرية و المستوى الأحسن فى العمل و الدخل المادى المرتفع بس كمان بأدفع ثمن ده دفء و محبة و أمان و حاجات كتير تانية و لكن المعادلة هناك صعبة إنما هنا أصعب
عموما ً الموضوع كبير و صعب مناقشته هنا KING TOOOT

shortcut said...

ايه الاهم الامان و الحرية؟
سوال وجيه جدا
بس يل تري فيه حرية من غير امان
او امان من غير حرية
انا لا اعتقد الاتنين مربوطين ببعض
ما دام برضه فيه حرية يبقي معاها امان و انا سافرت برضه و لمست الموضوع ده
هنا الحرية تمثيل انزل الشارع في القاهرة او اسكندرية و انزل في العشوائيات و القري و قوللي شفت فين الامان و الحرية
لاني مقتنعة ان الاتنين مايمشوش من غير بعض