Pages

السبع حاجات

عندما طلب أحمد شقير فى المدونه الخاصة به منى أن أدون السبع حاجات الشهيرة فكنت أول المستجيبين ولكن يبدوا أن تعليقى لم يقرأة الكثيرون ولذلك رغم هذة الأستجابة السريعة منى للمدونه إلا أنه ظل يطلب منى أن أدون السبع أشياء الشهيرة و التى قام العديد من المدونون و المدونات بكتابتهم فى مدوناتهم
و هذة إعادة لما كنت قد كتبت عند أحمد شقير فى التعليق على البوست بتاع السبع حاجات


سبعة أشياء أخطط لعملها
------------------------
أبيع العربية بتاعتى
أبيع الشقة بتاعتى
أبيع العفش اللى فى الشقة
أبيع الأجهزة الكهربائية
أبيع الكمبيوتر و البرينتير و الأسكانير
أعمل الكشف الطبى أللى فاضل
أستلم تأشيرة الهجرة و أزوّغ من البلد دى
___________________________________
سبعة أشياء لا أستطيع عملها
---------------------------
أروح أسكندرية يومين وسط الأسبوع
آكل على كيفى
أمشى فى شارع مش مكسر
ألعب فى دولاب أبويا زى زمان
أسيب ذقنى من غير حلاقة
أبطّل لبس كرافتات خالص
أتفرج على أبراهيم نصر
___________________________________
سبعة أشياء عادة أقولها
-----------------------
هو البتاع فين ؟
ماحدش فاهم حاجة
مش عارف .... يمكن
يا عم أرحمنا
أيوة يا مشمش ,, لما بأنادى صاحبى ماجد
أنت حاتفتى ؟؟
طيب طيب .. يوووه عالشغل و سنينه
___________________________________
سبع مدونين أدعوهم للكتابه فى نفس الموضوع
----------------------------------
مصرية ( إيمان ) و
إسكندرانى
سندباد مصرى
تجربة ( عمر مصطفى ) و
أبواب للنور ( مصراوى ) و
شادى
و المفاجأة الكبرى بقى ,, أحمد شقير تانى
_________________________________

3 comments:

Ahmed Shokeir said...

أيوه كده .. هنا أجدع
بس أول مرة آخد بالى من حكاية ألعب فى دولاب أبويا دى .. تصدق فكرة برده

تاجنج لأحمد شقير تانى .. حرررااام عليك ياتوت .. دإحنا لسه خارجين من أيام مفترجة

KING TOOOT said...

أحمد
دى أكبر متعة كانت عندى أنى ألعب فى دولاب أبويا و انا صغير
كنت بأحس ساعتها انى بأدخل عالم الكبار من الباب الخلفى و كأنى بأدور جوه مشاعرة و عقله مش جوه دولابه
بس طبعا ً كنت بأشوف الويل لو أتكشفت
على فكرة
أنا مستنى أقرأ أللى أنت حاتكتبه تانى
معلش زنقتك بقى
KING TOOOT

بنت مصرية said...

توت انت بتتكلم جد، عايز تهاجر؟؟؟؟؟؟

:(

هو فى ايه يا ناس، كل الناس عايزة تهاجر