Pages

بالحجاب


كنت ماشى و هى ماشية
و العباية تدارى عودها
و الحجاب من فوق جبينها
نازل و بيحضن خدودها
و الخدود منورين
مكسوفين
و عيون جـُمال
فوق الخجل متمرجحين
مليون سؤال
جفونها بيهم مليانين
و الجفون
شايلين مابين الأسئلة
حب بجنون
أحاسيس كتير فوق الخيال
ممكن تدوّب يوم جبال
حركت قلبى الضعيف
أللى فايت جنبها
هناك ع الرصيف
لحظة و التانية وخلاص
أتقطع حبل الوصال
صورتها تاهت وسط ناس
ناس كتير
بس سابت عندى طيف
ناعم لطيف
زى نسمة بتتفرد
وقت الخريف

2 comments:

ROMANTIC ROSE said...

لن أكف عن ترديد اعجابي بالمعاني البسيطه اللي بتكتبها و اللي يمكن بتكون جوانا كلنا بس مش بنعرف نكتبها بنلاقيك بتكتبها بطريقتك البسيطه و الانيقه في نفس الوقت.
الينا بالمزيد يا كينج توت

KING TOOOT said...

رومانتيك روز
أتمنى دائما ً أن أكون عند حسن ظنك و يارب تكون المعانى أللى أنا بأكتبها أنيقة فعلا ً زى ما أنتى بتقولى
أشكرك على التشجيع المستمر و الأهتمام بأبياتى المتواضعه
KING TOOOT