Pages

الحب و الموت


يمكن نقول الحب فى الحكايات
يمكن نشوف الحب فى عيون ولاد و بنات
يمكن يكون الحب فرحة بتحيينا
و كمان ممكن نعيشة مع الأموات

أنا قلبى جانى ف يوم طلب ايد ذكريات
و عمل فرح بالدموع و زفه بالسكتات
كنت أنا و العروسة و الشمع فى أدينا
بس المعزومين كانوا لابسين سواد فى سواد

نظرة شفقة و عطف طلّت مع الدمعات
من عين كل الرجال و معاهم الستات
علشان صبحت وحيد لما أنتى سيبتينا
مايعرفوش أن بيننا لسه كتير حكايات

3 comments:

ROMANTIC ROSE said...

متهيالي انا قلتلك رأيي علي القصيده دي قبل كده .. فعلا انا شفت المشهد قصاد عيني .. انت نجحت ف انك تلبس كلامتك السواد حزنا علي فراق الحبيبه !!

KING TOOOT said...

رومانتيك روز
على فكرة السواد مش ضرورى يكون باللون الأسود
لا
ممكن جدا ً يكون بأى لون تانى حتى بالأبيض لأن الألوان أحساس فى رأى
يعنى مثلا ً ممكن واحده مبسوطة جدا ً و بتضحك و لابسة لون أسود و لكن وشها منور يبقى اللون الأسود أبيض فى عين أى أنسان بيشوفها و ممكن عروسة بالفستان الأبيض بس بتتجوز غصب عنها مثلا ً يبقى فستانها و طرحتها فى عيون الناس سواد فى سواد
أحاسيس ,, الألوان أحاسيس زى ما قال عادل أمام فى فيلم أمير الظلام
KING TOOOT

ROMANTIC ROSE said...

احترمت فلسفتك زي ما احترمت طريقتك ف طرح وجهه نظرك
فعلا .. معاك حق .. الالوان احساس .. بس انا لما ببقي متضايقه بلبس اسود و لما ببقي مبسوطه بلبس روز و لبني .. يعني يمكن انا ظبطت احاسيسي علي ماهو متعارف عليه من معاني الالوان علشان كده علقت علي معني اللون الاسود من وجهه نظري .
اتمني الاقي ف يوم قصيده كلها الوان فرايحي ف معانيها منك و تكون باحساس صادق زي ما عودتنا يا كينج