Pages

البنت المصرية



لو شفت البنت المصرية

لو شوفت عيونها العسليه

لو شوفت عروق كف ايديها

مع لون بشرتها الخمرية

حاتقول أشعار

حاتحس الجنّه معاها النار

و حاتبقى سعيد

مع أن الأحاسيس فيك بتزيد

و بتمسك فى خناق بعضيها

بس أنت حاتبقى سعيد بيها

علشان أحاسيسك دى فيها

حس الحنـيـّه

من نظرة عين منـّهـا هيـّا

حاتحس بمعنى الكلمات

حاتحس بمعنى الأغنيه

علشان أحاسيسها حا تعديك

حاتوصل بيها مشاعر ليك

تاخد من قلبها تديك

أحاسيس حقيقية

علشان دى البنت المصرية

0 comments: