Pages

حبيبتى

حبيبتى صوت ضحكتها زى الغـُنا

و صوت غناها يملى كل الكون حنان

بسمة عنيها تبدر النور فى السما

و رموشها تفرد ضل هادى ع المكان

حبيبتى بتعلم عقولنا الخيا ل

و توهب الأحلام فى قلب الجميع

تاخد ايدينا تعدى بينا للمحال

وترجع الحب اللى بيننا لو يضيع

تسحر برقتها قلوب كل البشر

و تمحى من جوانا أحزان السنين

حبيبتى نور جبينها ضى القمر

و الشمس تشرق من عنيها الطيبين

0 comments: