Pages

ذكرى حبيبة


كان ليها عيون صافيين جدا ً

زى الأطفال

كان لون شعرها اسود نازل

على كتفها شال

كان ضىّ الألماظ فى دموعها

كانت كرامتها فى خضوعها

كانوا بجمالها بيتحاكوا

و يضربوا أمثال

كانت أيام بيننا طويله

مش عايزة تفوت

و كأن الدنيا كانت عارفه

أنها حاتموت

كانت الأحاسيس بيننا حقيقه

طبعا ً فاكركل دقيقه

كنّا نحس أنها هربانه

خارجة بتجرى من جوانا

وكأنها أسرع من بكره

وهى بطيئه

و كأن الموت أستخسرها

تعيش وسطينا

و كأنها حلم جميل شفناه

و بعده صحينا

كان نفسى أنا أفضل نايم

كان نفسى أموت

وأفضل ويـّاها و مشاعرنا

تبقى لنا تابوت

ماباقاش لـّيا غير الذكرى

ما بقاش عندى من غيرها عيون

حاتشوف بكره

5 comments:

eskandarany said...

يا أخي بقى كفاية ............. ماسيبتش حاجة من اللي جوّانا الا ما قولتها ................... ولا اقولك قول قول وما تسيبش حاجة احسن الحالة محتاجة محتاجة طبيب عارف علتنا بعيد وقريب

مش عارف اتكلم على ايه ولا ايه............عموما اللي خطفوني جداً هم الاتي


ذكرى حبيبة
البنت المصرية
بأكتب أحاسيس
الأعلان
مصريين
بلدنا أحنا

أكتب علشان انا مش عارف اكتب على الاقل الاقي في اللي بتكتبه اللي نفسي اقوله

KING TOOOT said...

يا أخى أنت كفايه تواضع بقى
دا أنت بصماتك واضحه واللى أفكرك ,, مجلة مصر مش كده ,, فاكر واللى نسيت
على العموم أنا سعيد جدا ً جدا ً بأهتمامك و رأيك الجميل و كمان أنا سعيد أكتر بأننا أصبحنا بنتابع أعمال بعض
على فكرة أنت رأيك عندى بيكون مهم جدا ً و ده لأنك شاعر حقيقى و موهبه ممتازة فى رأى و كمان عندك حس فنى عالى جدا ً و بالتالى رأيك بيكون مهم قوى لي
المهم أنتظر مفاجأة و أتمنى أسمع رأيك فيها
أرجو أنك تكتب عنوان البلوج الخاص بك علشان أقرا حاجاتك أللى أنت كاتبها
KING TOOOT

Anonymous said...

انا كل يوم بكتشف ان لسه ف الدنيا فيه رجاله عندهم وفاء و اخلاص و لما حبوا ..حبوا بجد مش حب التيك اواي بتاع اليومين دولا ..

اكتر حاجه بحبها في شعرك يا كنج توت اني بتعامل مع المعني و الاحساس اللي بيوصلي و مش بيهمني السجع و القافيه و الحاجات دي .. انا ما بفمش فيها قوي و ما بحطش دماغي معاها .. لكن بجد انا قلتهالك قبل كده و هقلهالك تاني .. شعرك بيوصل للقلب بدون حاجه الي ابراز هويه اكثر من امضاء كنج توت.

eskandarany said...

My blog address is www.ya-masr.blogspot.com

KING TOOOT said...

رومانتيك روز
أشكرك جدا ً حقيقى على التعليق و أرجو أنه مايكونش مجامله فنيه و أتمنى فعلا ً أن الشعر أللى أنا بأكتبه يكون بيوصل لقلوب الناس و الأحساس بيلمسهم قبل القافيه و السجع و الحاجات دى
أما بخصوص الوفاء فصدقينى الحب الحقيقى بيخللى الأنسان يحس بسعاده حتى من الأشياء المؤلمة
شكرا ً جزيلا ً على التشجيع و الأهتمام و فى أنتظار رأيك بأستمرار و ما تبخليش عليا بتعليقاتك الممتازة
KING TOOOT